НАРЗАН
Осетинъяслӧн эм ӧти мойд, Меным висьталіс пӧрысь чабан, Кыдзи синвалӧн югыд, пӧсь войт Йӧзлы чужтіс чудеснӧй нарзан. Уна прӧйдитіс тулыс да ар Сійӧ кадсянь, кор кыптіс Казбек. Но отважнӧй джигит налӧн Нар Кутас паметьын кыпавны век. Сійӧ тӧждысис йӧз вӧсна пыр, Кыдз народлӧн отважнӧй, смел пи. Енлысь гусяліс Нар-богатырь Да Казбек вылысь лэччӧдіс би. Аддзис йӧз ордысь кор югыд би Пемыд вынъяслӧн ен, вына Тха, Дорис цепьясӧн Нарлысь том ки, Мышкас кӧрталіс сылы скала. Нарӧс кокаліс сьӧд борда кутш, Юис сьӧлӧмсьыс пӧсь, сӧстӧм вир. — Ӧзйӧ оз мортлӧн сакляын би? — Нарлӧн видзӧдіс Тереклань син. — Ӧзйӧ! — радуйтчис пыр осетин. Нарӧс кокаліс сьӧд борда кутш, Юис сьӧлӧмсьыс пӧсь, сӧстӧм вир. Ӧзйӧ оз мортлӧн сакляын би, Олӧ оз миян му вылын шуд? — Лоӧ! — висьталіс сэк осетин. Сьӧд ущельеӧ радысла сэк, Нарлӧн исковтіс синъясысь за ^горскӧй народъяс кыв вылын мортлӧн синва/^, Мед волшебнӧй источникӧн век Муысь киссис целебнӧй нарзан. Кисьт, горянкаӧй, нӧшта тэ кисьт, Мича синкымъяс меланьӧ лэптыв, Медым сьӧлӧмын куслытӧм би Помтӧм пӧсьлунӧн морӧсын пессьӧ; Нарлӧн синваыс дзирдалӧ мед Став гӧраясысь чукӧртӧм фирнӧн, И чудеснӧй бальзамсӧ тшӧтш ме Аслам войвылӧ нуа пӧсь вирын.
Гижӧд
Нарзан
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1