* * *

Югыд луныс вӧлі пемыд-сьӧд,
Муса мӧвпъяс лэбалісны ылын.
Кутшӧм жаль, мый та дыра эг тӧд
Дзик ас дінысь сэтшӧм авъя нылӧс.
Но вот аддзысим.
И быттьӧкӧ эз вӧв
Морӧс пиын гажтӧмлун ни, шог ни.
Кутшӧм дивӧ — 
Сыкӧд ёна зэв
Мӧда-мӧдлы сьӧлӧм жарӧн шогмим.
Сылӧн гажа варовлунлӧн сям,
Синъяс кужисны пыр радлун койны.
Кӧть и сійӧ кажитчис зэв рам,
Кылі морӧс пытшсьыс сьӧлӧм збойлун.
Мыйта вайис ӧні меным рад
Мича нывлӧн муслун
Морӧс шӧрӧ...
Эг и тӧдлы, кыдзи лэбис кад — 
Со нин татысь мӧдӧдчыны пӧра.