АРЪЯВЫВ

Со нин бара
Ывла вылын
Зэра арӧн
Пӧльтӧ, кылӧ.
Вой тӧв горӧн
Сьылӧ нора
Миян колип
Вӧр-ва вывті
Нэмӧвӧйя
Сьыланкывсӧ.
Оз и лӧньлы.
Пыр со нёйтчӧ
Кымӧръясӧн
Джуджыд енэж;
Лёзьмӧм мукӧд
Воча-воча
Сійӧ кутчысьӧма
Венӧ.
Чумалияс — 
Виж салдатъяс
Пищальяссӧ сюйӧмаӧсь
Шоныд идза паськӧм улӧ.
Шы ни тӧлӧсь налӧн радъяс,
Юрсянь кокӧдз найӧ ваӧсь...
Гашкӧ, век и тадзи сулав.
Он тӧд, кутшӧм
Лоӧ ар пом.
Он тӧд, кутшӧм
Лоӧ вартӧм.