РУСАНОВ ПЕЧОРАЫН 1903 ВОЫН
Мед помтӧм туй, мед бара ыджыд туй: Жандармскӧй синъяс улысь петны колӧ эрдӧ... Ӧд кымын во заветнӧй тайӧ дум Русанов видзис аслас сьӧлӧм бердас! Пыж дорын сяльгӧ ва... Печора сӧдз да рам. Чудеснӧй асылӧн встречайтӧ йӧзӧс войвыв, Но воӧм мортлӧн сьӧлӧм бара доймӧ, Охотниклӧн кыдз доймӧ став душа. Сувт, проводник! Вай петам пыжысь ми Да берег вылӧ югыд бипур пестам, Мед ссыльнӧй киӧн татчӧ ӧзтӧм би Призывнӧя да вӧльнӧя пыр пессьӧ. Пӧсь тӧвру ыстӧ асывсянь Урал, Веж корйӧн вӧччӧдӧ лӧнь берег вылысь кустъяс. Свобода йылысь сёрниястӧ тан Жандарм оз тӧдмав, коми морт да русскӧй! Но водзӧ кыссьӧ туй... Печоралӧн простор Зэв ылӧдз воссьӧма да нюжалӧма ылӧдз. Исследователь индӧ, кытчӧ морт Выль нэмын каръяс лэптас берег вылӧ. Пыж дорын сяльгӧ ва. Русанов синмын шуд... Содзтырнас гумовтӧ да сӧстӧм васӧ юӧ, И войвыв крайысь дона китыр му Да аддзӧм дружба сьӧрсьыс сійӧ нуӧ.
Гижӧд
Русанов Печораын 1903 воын
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1