ИЗ
Музейлӧн витринаысь аддзылі ичӧтик из, Геологлӧн киясӧн кытыськӧ корсьӧм да вайӧм. Тиманлӧн отрогъяс-ӧ, Скӧр Тӧв-Поз-Из, Упорстволы сетчӧмӧн, сетісны мортыслы тайӧс. Оз зарни сэн дзирдав, но пармаса смел следопыт Дзик челядьлӧн радлунӧн ылі Пай-Хой дорын йӧктіс, Скӧр войвывлысь дар, кодӧс корсис нин му вылысь дыр, Став зепъястыр сійӧ тась тэрыба, тэрыба ӧктіс. Мед бушковъяс ойзісны, пӧдтісны нодъялысь би, Эз кӧсйыны лэдзны тась некытчӧ вешйыны мортсӧ, Но тайӧ со ичӧтик, кажитчӧ, шогмытӧм из Пӧсь сьӧлӧмкӧд пыр вӧлі уна лун мортыслӧн орччӧн. Дзор мулысь законъяс мем тайӧ со изйыс оз восьт, Но сійӧ, код нэмджынсӧ ассьыс пыр колльӧдіс вонйын, Лӧз асылӧ аддзис, кыдз войвывлысь нюжалӧм от Став помъяссянь вундӧны бушколӧн моз эшелонъяс. Мед куйлӧ музейын Пай-Хой дорысь чуктӧдӧм из, Полярнӧй буранъяслысь казьтылӧ ульйӧв кодь русӧ, И ылыс потомоклы миянлысь талунъя висьт Став нэмъяс пыр татшӧмӧн, кутшӧмӧн аддзам ми, нуас.
Гижӧд
Из
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1