ПЕЧОРА ВЫЛЫН
Ӧтчыд встретитчим коркӧ ми нывкӧд Шонді югӧрӧн киськалӧм рейдын, Кӧні керъяслӧн зарниыс кывтіс Енэж чышъяна помасьтӧм эрдын, Тӧвру вашнитіс мыйкӧ сэк гусьӧн. Ӧдйӧ бергӧдчи... Ловшыӧй орис. Тӧдтӧм нылыслӧн синъясын юксис Аслас мичлунӧн югыд Печора. Гашкӧ, тӧвруыс коддзӧдіс сэки, Коді пӧльыштіс ёсь Ира Изсянь... Ыджыд рейдлысь ме серпассӧ век на Аслам паметьын воштывтӧг видза. Ме ог тӧд, кутшӧм запаньын ӧні Бара встретитча багыра нывкӧд, Кодлӧн шудлунӧн дзирдалысь синмын Лӧнь Печора лӧз веркӧснас кывтӧ.

lkejrlkelkrgner klrjnelknfrkl ekjnrjkenfrej

1