ПЛӦТНИК
Аслам шуд вылӧ ме ог норась, Абу тӧдсаӧсь шогкӧд ньӧти, Асъядорсянь кӧть рытъядорӧдз Тэчны стихъяс пыр меным сорӧ Улич мӧдарын тшупсьысь плӧтник. Сӧмын садьма, а сійӧ сэн нин, — Локтас, кыпӧдчас, сувтас паныд, Гажа асывлы гора песня Черӧн камгӧмӧн пыр жӧ панас. Тӧлысь сайын сэн вӧлі тыртӧм: Петшӧр копрасис, ӧтнас оліс, Улич сьӧлӧмӧ гаж эз пыртлы, Аслас мичлунлысь след эз кольлы. Локтіс плӧтник, и ставыс вежсис: Сира пожӧмӧн тыртіс улич, Стихӧн ордйысьны, мый ли, вежмӧн, Ковмас плӧтниккӧд, аслым шуи. Сійӧ лунӧ, кор куим рифма Кужи сӧмын на стихлы корсьны, Шонді нюжӧдӧм зарни кинас Шыльыд балкиын смела ворсіс. Ӧшинь сайын ӧд ставыс тайӧ: Черӧн кучкалӧм ылӧдз кылӧ, Югыд керка быд выль стопаӧн Кыптіс син водзын вылӧ, вылӧ. Таын мыжаыс вӧлі плӧтник: Улич мичаӧн вӧчис йӧзлы... Татчӧ муслуныс кыдзи локтіс, Кывлі сёрнисӧ ме томйӧзлысь. Плӧтник ставнымӧс ӧтнас веніс, (А ӧд медводз поэтлы яндзим!) Мортлысь сьӧлӧмсӧ босьтіс пленӧ Аслас черыслӧн помтӧм ямбӧн. Арся лунӧ, кор кыдз пу корйыс Муӧ гылаліс-киссис шытӧг, Сӧмын лэптӧм на школа дорын Челядь ворсісны ыджыд кытшын. Тайӧ помасьтӧм ыджыд гажлун Ставлы сьӧлӧмӧ плӧтник пыртіс, И сэк аддзи, — мый эз ло важмоз Стихлӧн рифмаыс гӧль да тыртӧм, Плӧтник быдӧнлы лои другӧн: Посни челядьлы и поэтлы, Ставным олам ӧд ӧти шудӧн, Югыд мувывса том творецъяс!
Гижӧд
Плӧтник
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1