ГОЖСЯ РЫТӦ
Кузь лун бӧрын, кыдзи овлӧ пыр, Унмовсьӧ лӧнь рытӧ ыджыд сикт, Сӧмын паськыд улич вылын дыр Кучкалӧны том йӧз городки. Кисьтӧ льӧм пу чӧла тувсов мич Дзоридзьяслысь югыд, сӧстӧм быг. Лэбач борд моз шеныштлӧмӧн ки, Пробуйтлӧ детинка ассьыс вын. Неылын кӧть водзын и черта, — Абу кокни веськавны пыр цельӧ. Видзӧдӧ погонъястӧм салдат — Чышкыштны му вылӧ тэчӧм танк Зон-челядьлы абу кокни делӧ, Сылы жӧ привычка серти. Ки Вермӧ сідзи шыбитны граната, Крупповскӧй металлысь дорӧм тигр Торпыригӧ весиг вӧлі разьсьӧ. Нюмъялӧны челядь. Налы рад. — Петкӧдлы вай... Беддьыс тӧвзьӧ киысь... Тӧвзьӧ сійӧ водзӧ, кыдз снаряд, Чышкыштӧ став тэчӧм городкияс. — Тадз и ми! — И вӧвлӧм фронтовик Льӧм пуяслӧн дзоридзьясӧ сунӧ, Кӧні переборъясӧн кузь висьт Томлуныслы кыӧ гора гудӧк. Улич вылын гажлун дыр оз ланьт, Вунӧдӧны томйӧз мудзлун йылысь: Медым тайӧ абу збыльнӧй танк, Медым городкилӧн чукӧр тан, — Ӧткодь, ставыс тӧвзьӧ миртуй вылысь.
Гижӧд
Гожся рытӧ
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1