ПУР ВЫЛЫН
Кыдзи помнита: ва да енэж, Греблӧн ки улын сьӧкыд груз, Пӧльтчӧм морӧса, ышмӧм Эжва Чаг моз шыблалӧ менсьым пур. Горза кваттшиклы зіля вӧрны, Сюйны берегӧ ёсь прикол. Ытва петкӧдас визув шӧрӧ, — Пурлысь лысьӧмсӧ сэк он корсь. Лоны кваттшикӧн абу кокни: Тэ он кӧртвомав визув ю. Нылыс дӧзмӧдӧ: — Он кӧ окышт, Пуртӧ кватайтны ме ог кут... — Кут вай... зэлӧд! Ой, кутшӧм тӧждлун... Ставсӧ вӧчны ме ӧні дась! Оз мӧй ярлунсӧ валысь ньӧжмӧд Плитка пельӧсӧ домӧм снасть? Эновт, Эжва, тэ ковтӧм шутка, Мортлӧн воля ӧд тэысь ён: Кужӧ крепыда нылыс кутны Аслас киясын ён прикол. Берег матысмӧ... матысмӧ... — Кӧн тэ?.. Шыбит киясысь ковтӧм снасть, Шуда томлунлӧн вына кӧртӧд Тэа-меаӧс йитіс тан.
Гижӧд
Пур вылын
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1