ПАРМА-ВӦРЫН ЭМ ЁЛЬ...
Парма-вӧрын эм Ёль, Енэж синъяса друг, Му шар вылысь кӧть корсь, — Сыысь сӧдзджык оз сюр. Ичӧт дырсянь пыр тэд Сійӧ вӧлі бур вок: Юкин сыкӧд пыр тэ Ассьыд радлун и шог. Ыджыд пожӧмлысь сэн Йывсӧ синнад он судз... Ой, да тайӧ и эм Миян шуда, том му! Ёлькӧд торъялін тэ, — Бойӧ корис страна, Но походъясын век Видзин фляжкаын ва, Эзысь тёльгӧмсӧ пыр Кылін тышын, боец, Ёльысь юны ёсь штык Враглы вомтыр эз сет. Смел салдатлӧн кузь туй Вӧлі сьӧкыд да скӧр. Югыд радлунлысь шуд Татчӧ вайин тэ бӧр. Тэнӧ помнитны пыр Кутас вӧльнӧй поляк, Медся бур сьыланкыв Сиӧ чех да словак. Парма-вӧрын эм Ёль, Енэж синъяса друг... Мыйта чукӧрмис, ёрт, Миян кияслы удж: Колӧ стрӧитны кар, Ягын писькӧдны туй, — Эзысь Ёль дорын, тан, Лоӧ выль лесопункт! Но не вунӧдны тэд Сійӧс, кодӧс оз позь: Вӧвлӧм воинлӧн век Порох сьӧлӧмас кос! Уолл-стритса банкир Вынтӧм пӧльтны пӧжар, — Сё миллионъяслӧн ки Лэптӧ вывлань звезда, Став Европа пыр тэ Кодӧс нуин, кыдз флаг. Тайӧ — сталинскӧй нэм Побеждайтӧ, салдат! Парма-вӧрын эм Ёль, Енэж синъяса друг, Виж пилоткаа морт Кутӧ сыланьӧ туй, Виж пилоткаа морт Дорйис батьяслысь му... Сиам тіян, кык вок, Помтӧм нэм да бур шуд!
Гижӧд
Парма-вӧрын эм Ёль...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1