* * *
Сылы кызь, либӧ неуна унджык, — Он ӧд юась, мый колӧ, быдтор. Овлӧ сідз, мортлӧн удаллун чужлӧ, Кыдзи шуласны, ассьыс на водз. Томйӧз шуӧны нылӧс вожакӧн: Абу весьшӧрӧ сетӧма ним Сылы, тросъясысь коді ён шлактӧн Талун домавліс ыджыд буксир. Сьӧкыдлун йылысь сёрни оз овлы, Да и думайтны сы йылысь кор? Лӧз Печорасӧ повзьӧдлысь тӧвъяс Пароходъяслысь вайисны гор. Запань бердын мед пессьӧны гыяс, Ваыс зэвтӧ лёк вынӧн ён трос: Ыджыд тыш вылӧ томйӧзлысь вызов Джуджыд зіб йывсянь ыстӧ флажок. Татшӧм йӧзсӧ кӧ аддзылан ӧтчыд, Налысь удж, налысь гаж, налысь тыш, Сэсся олӧмтӧ вуджигӧн ньӧтчыд Тэкӧд киасьны мудзлун оз лысьт.
Гижӧд
Сылы кызь, либӧ неуна унджык...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1