МАСТЕР
Вӧрса туйяслысь лыддян мӧй зэв уна верстъяс Коркӧ верман мӧй тӧдны быд ордымлысь визь? Уна муяс кӧть прӧйдитан, уна кӧть ветлан, Век жӧ виччысян, виччысян ичӧтик би. Коді мыччысяс вӧр пӧвстӧд кодзув моз ылын... Но кор турӧбӧн ойдӧма быттьӧ став му, Лесопунктлань дзик медбӧръя воськовъяс вылын Тэнӧ шымыртӧ кузь туйын чукӧрмӧм мудз. Мыйла норасьны ӧні, кор ставыс нин кольӧма бӧрӧ: Ыджыд туй лымъя расъяс пыр. Турӧб. И сап пемыд вой... Выль посёлокын, индісны кыдз, эм контора. Сы дорын Лапъяс нюжӧдіс пожӧм — веж лысъяса кузь часӧвӧй. Медводз татчӧ, дерт, сьӧрысь квартира он кыскав... Дай, шуны кӧ веськыда, — висьтавны мый йылысь эм! — Комсомольскӧй путёвкаӧн петім да партия олӧмкӧд йитім беспокойнӧй став воясысь ассьыным зэв шуда нэм! Вывті мусаӧн кажитчӧ сьӧлӧмлы ичӧтик керка, Кытчӧ турӧбыс ӧтнас дзик аддзыны туйсӧ оз куж. Талун быдӧнӧс личкис нин ун. Ӧтнас трудитчӧ пыр мыйкӧ мастер... Коркӧ узьлан-ӧ тэ, кор тэ эновтан помасьтӧм удж? Пызан вылын чертёжъяскӧд сводкаяс куйлӧны орччӧн; Тані — волялӧн, тышлӧн, упорстволӧн лунся итог. Мый тэ мӧвпалан, мастер? Гашкӧ пырӧм мысть сорси... Абу мастер... Ог тӧд... Мыйкӧ ог... — Капитан!.. Тайӧ... тэ?.. — кольӧ сводкаыс нюжӧдӧм киас; Пызан дорсяньыс ӧдзӧсӧдз сӧмын кӧть шаг, — Паметь ловзьӧдіс кольӧм сраженьелысь бисӧ, Кор окопъясысь кыпӧдчим босьтны плацдарм. Бара ме водзын вӧлі салдат, командир, а эз мастер, Коді нюжӧдіс кисӧ да горӧдіс сэки: — Вперёд!.. И народлысь став ненависть пызйисны пӧсь автоматъяс, Уджйӧз мынтыны врагъяслы медбӧръя индісны срок. Уна казьтылӧм та йылысь дыр на ми сьӧлӧмын видзам. Аддза тув йылысь ме боевӧй офицерскӧй планшет. — Тайӧ значитӧ, мый, капитан, вочавидз мем, Мый двухверсткаӧ важмоз пыр пасъялан тэ? Бара мудзпырысь пуксьӧ... А сы гӧгӧр, — сводкаяс, планъяс, — Наступление мунӧ... И уна на водзын выль штурм. Пятилеткаяс индӧны туй миян быдӧнӧс панйыны, А победасӧ дорӧ боецъяслӧн доблестнӧй удж. Став стрелаяс делянкаӧ индӧны, аддзан, кыдз талун, Миян тышлӧн сэн мунӧ передньӧй край. Кылан, — юргӧ призыв, кыдзи бойын: — Страналы Колӧ вӧр, уна изшом, и нефть, и металл! Асъя рӧмыдын чеччасны йӧз, став бригадаяс петасны бойӧ. Кӧні местаыс менам? Ӧд висьтавны тайӧс оз ков: Колям пыр ми салдатъясӧн, а, кыдз правилӧ, бойын Некор ачыс победа оз лок. Орччӧн пукалам ми... Важ походъяссӧ казьтыліс мастер. Кыдзи коркӧ лӧз Дон вылын топӧдлі сылысь ме ки. Сідзкӧ, тані передньӧй! А бойын — пыр сувтӧны на-смерть да гвардейскӧя видзӧны социализм. Медым юрсияс лоисны кад вотӧдз неуна дзорӧсь, — Сьӧлӧм важмоз пыр кольӧ збой томлунӧн удал да яр. Мирын бушколыс пессьӧ... Тэ кылан: не турӧблӧн горыс, — Океан сайын пӧльтӧны миянлы паныд война. Ӧдйӧ кыпӧдчӧ мастер да видзӧдӧ кизьӧрмӧм войӧ. Сылысь сьӧлӧмсӧ дойӧн моз кырыштлӧ ненависть би. — Сідзкӧ, найӧ... И бара отчаяннӧй бойӧ Батальон ассьыс кыпӧдны петӧ нин смел командир. Кыдз уставын жӧ индӧма — став автоматчикъяс флангын: таргӧ-юралӧ вӧрын моторъяслӧн зэв гора шы, Сиктса нывъяс да зонъяс командатӧг уджын содтӧны выль порыв. Чужӧ лун вӧрын тадз, кыдз пыр овлӧ тан: лымъя бус пытшкын, Водӧ му вылӧ пуяслӧн рад бӧрся рад. Тӧдӧ мастер, мый вӧр вӧсна тышын Сійӧ жуглӧ важ мирыслысь кытшсӧ, мырддьӧ талун выль ыджыд плацдарм. Ставсӧ аддзылі ме — вӧрысь вестникӧн лэччи, Выль победаяслӧн глашатай: Мирын весьшӧрӧ турӧб пессьӧ, — миян юргӧ победнӧй песня, Сувтӧ тышӧ передньӧй край!
Гижӧд
Мастер
Гижан кад: 
Пасйӧд: 

"Зарни поток" поэмаысь медводдза юкӧн.

lkejrlkelkrgner klrjnelknfrkl ekjnrjkenfrej

1