ПЕРВОЙ СТИХ
Мый ме гижа — Аслам уджлы дон ог тӧд: Медым висьталас Сы йылысь кодкӧ мӧд. Шуас омӧль кӧ... Сэк Сьӧлӧм кырас дой, Кӧть оз тӧдлы некод Менсьым узьтӧм вой; Шуас лӧсьыдӧн да Бурӧн кӧ мем ёрт, — Пельпом сайын Воссяс лэбачлӧн кодь борд, Паськыд енэж восьтас Ассьыс югыд вевт, Помтӧм ыбъяс вылӧ Мӧвпӧн тӧвзя ме. Тӧвру вашкӧдӧ кыдз Тулысся мотив, — Лыддя гӧрысьлы сэк Ассьым первой стих. Плугӧн мунігӧн, Кӧть тувсов луныс кузь, Мед оз тӧдлы том колхозник Талун мудз. Ме ог аддзы Аслам уджын ыджыд шуд, Вӧрӧ радлунсӧ кӧ Томйӧзлы ог ну, Векни ордым кузя Муніг моторист Оз кӧ висьтав Аслас ёртлы кывлӧм стих, Кодӧс сьӧлӧм пытшкысь Перйи сылы ме... Югыд мирыслы Пыр уджйӧза поэт! Сиа гӧрысьлы Да кылӧдчысьлы стих, Сиа тэныд, Вӧрӧ мунысь моторист. Лоӧ омӧль кӧ... Сэк Сьӧлӧм кырас дой, Кӧть оз тӧдлы некод Менсьым узьтӧм вой; Шуас бурӧн кӧ Да лӧсьыдӧн том ёрт — Тайӧ кылыс кындзи Нинӧм ме ог кор.
Гижӧд
Первой стих
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1