ПИСЬМӦ УХТАСЯНЬ
Ме гижа Ухтасянь. Ті тӧданныд ыджыд Ухта, Кӧн бияслӧн югӧрыс ӧшалӧ Кыдзи полярнӧй сиянье, Кӧн муыслӧн зумыд, Сюрс воясӧн пӧрысьмӧм пласт Ас морӧссьыс койӧ сук вир, Кодӧс шуӧны тані сьӧд зарни? Кык керӧслӧн сыв пытшкӧ Карлӧн став отыс оз тӧр, И ылі сьӧд вӧръясын Ӧзйӧны бара выль бияс. Став вышкалысь первойысь Аддзи ме кыпалысь вӧр, Кыдз енэжсӧ пыкӧны Веськыда нюжӧдӧм кияс. Ме абу бурильщик, И абу тан случайӧн гӧсть, Но аддзылӧмтор Помтӧм радлун пӧсь сьӧлӧмӧ вайӧ: Ме помнита туйяссӧ, Сьӧкыда кыскис кыт вӧв Му морӧсӧ сатшкӧм Со тайӧ нефтетрубаяс! Сэк тӧдтӧмӧн быдӧнлы вӧлі на Тайӧ выль кылыс — Ухта, Кузь вӧлӧкъяс шулісны Эжваса дядьӧяс адӧн... А талун дзор пармасӧ, Помасьтӧм нюръяс да рас Став вынйӧрӧн югдӧдіс Сталинскӧй генийлӧн чардби. Эм мортын упорство, Мый сьӧкыд буравысь на ён, И писькӧдӧ сійӧ Став эраӧн тэчӧм му пластъяс, Ме аддзылі, — Емдінысь Менам жӧ арлыда зон Том киясӧн мырддис Природалысь вынйӧра властьсӧ. Свидетельӧн лоны ог кӧсйы ме, Емдінса ёрт, И стихъясӧн отсавны Тэчны выль олӧмсӧ позьӧ. Тэ кужан кӧ шонтыны Пачьяслысь сё вома горш, — Том песня бурильщиклы — Медбур пӧдарки да козин. Лым эшкынӧн вевттьӧма Войвывлысь помасьтӧм от, Но водзӧ геолог сэт муніс, Кыт некод на ӧнӧдз эз ветлыв... Не талун кӧ, — аски Тан кыпӧдас бара завод Став биясӧн дзирдалысь Сталинскӧй выль пятилетка. Соседӧн тшӧтш лоӧ Чибьюлы дзор тошка Урал, Составъяслы туй сетас Стрелочник выль кӧрттуй вожӧ. Оз морӧсын вир, — Тайӧ му пытшкӧс жуглыны газ Лёк скӧрлунӧн кӧсйӧ Став пасьтаног миян Войвожлысь. Ме гижа Ухтасянь... Ті тӧданныд ыджыд Ухта, Кӧн бияслӧн югӧрыс ӧшалӧ Вӧр весьтын кыдзи полярнӧй сиянье, Кӧн муыслӧн зумыд, Сюрс воясӧн пӧрысьмӧм пласт Ас морӧссьыс коялӧ вир, Кодӧс шуӧны тані сьӧд зарни?
Гижӧд
Письмӧ Ухтасянь
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1