АЛЕКСАНДР ПУШКИНЛЫ
Еджыд вой менам войвылын, — Синъястӧ кунь кӧть, — оз узьсьы: Льӧм пу купайтчӧ дзоридзын Бара нин шуда да том. Петам ывлаӧ ӧні ми, Вунӧдам будничнӧй мудзлун, Медым тӧвру тшӧтш миянкӧд Листалӧ стихъяслысь том. О, великӧй поэт. Тэкӧд сёрнитны сьӧлӧмӧй корӧ! Уна прӧйдитӧм вояс пыр Ловъяӧн ми дінӧ сувт, Аслад генийӧн тэ, Аслад лиралӧн вынйӧра горӧн Висьтав сы йылысь бара, Мятежнӧя пессис кыдз дух. Тэ он кувлы, певец, Тэ ӧд сӧмын на миянлы чужин: Коми крайсянь Памирӧдз Кӧть сывйыштны мусӧ он судз, Но свободалӧн песня, Код пламеннӧй сьӧлӧмад чужис, Паськыд эрд вылӧ петіс Да аддзис выль олӧмлысь шуд. Бара важмоз волненьеӧн Восьта ме муса страница, Челядь радлунӧн лыддя Волшебнӧй узоръясысь стих. Сувт, певец, миян пӧвстӧ тэ, — Шудлуныс — Дзоридз моз воссьӧма, Коркӧ сетліс мый тэнад мечталы Пленительнӧй мич! Мунам сикт кузя талун, Мед тӧвру сьӧд кудрияс дзугӧ, Тӧдтӧм йӧз вылӧ видзӧдлы, Кывзысь, кыдз юралӧ шуд! Тайӧ сэні, Кӧн барстволӧн пычиктліс иго Земледелецлысь вир, Сылысь мырддьыліс труд; Русӧй юрсиа зонъяслысь тӧдмав, Кыдз ӧзйӧны синъяс, — Тэнад стихъясысь мореыс Койыштіс сэтчӧ лӧз вал. Тайӧ миян — том дружбаӧн йитсьӧм Выль Сталинскӧй племя Сьӧкыд лунъясӧ дорйис Отчизна И Ленинград, Меднӧй всадник кӧн нюжӧдіс Водзлань призывнӧя кисӧ. Русскӧй вокъяскӧд стройын Победалань восьлаліс зон, Коді ӧні, со, тан, Сиктса томйӧзлӧн зэв ыджыд кытшын Аслас кыв вылын лыддьӧ Не ӧтчыдысь лыддьылӧм том. Татшӧм дружбасӧ виччысин тэ, Югыд разумлы ыстылін чолӧм. Воис сійӧ, певец, — Сӧвмӧ му вылын томлунлӧн мир, И великӧй семьяын, кыдз кӧсйин пыр, Радуйтчиг олӧ Некор торъявтӧм дружбаын Коми, якут и башкир. Нэмъяс колясны мед, — Некор тэ дінӧ муслун оз бырлы, Кутан йӧз пӧвстын овны, Рӧднӧй, вдохновеннӧй поэт, И народъяскӧд ӧтлаын Кувлытӧм лираӧн пыран Коммунизмлӧн выль эраӧ, Югыд грядущӧйӧ тэ. Тувсов вой вывті дженьыд, И ставсӧ он сёрнит, мый колӧ, Кыа югдӧдіс зарниӧн Тэнсьыд, певец, чужан му... Мортлӧн разум мед олӧ! Миян правдалы чолӧм! Лёкыс гибнитӧ мед, Правӧй делӧлы паныд оз сувт!
Гижӧд
Александр Пушкинлы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1