МЕНАМ ОТЧИЗНА
Кутшӧм вына да ён, Муса Рӧдина тэ, — Кымын кар, Кымын сикт, Кымын ю Тэнад лӧз енэж улын! Квайтӧд юкӧн планеталӧн — Миян страна — СССР, Став народъяслӧн шуд вылӧ Сӧвмӧ да ёнмӧ му вылын. Кӧн Куриллъяслӧн нюжаліс Лӧз океанын гряда, Ыджыд штормъясысь повзьытӧг Танкеръяс петісны рейдысь. Тайӧ — кыпӧдчысь асылыс Медводдза югӧрӧн тан Мелі радлунӧн дзирдалӧ Менам Отчизналӧн гербын. Ыджыд чолӧм, страна, Тэныд висьталӧ Том сталевар, Рудокоп, Академик, Боец да Вӧрлэдзысь! Унджык вӧр пятилеткалы, Изшом, Металл да руда, Унджык нянь тэсянь виччысьӧ Рӧдина, сиктъясса Труженик-кӧдзысь. Миян туй — Коммунизмланьӧ талунъя туй, Индӧ кодӧс народъяслы Кремльвывса дзирдалысь кодзув. Сиам ставӧн здоровье Да выль вося медыджыд шуд Сылы, Мудзлытӧг пыр Коді нуӧдӧ миянӧс водзӧ.
Гижӧд
Менам Отчизна
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1