МЕД ОЛАС МИР!
Бара пӧльтӧны му весьтын порохӧн йиджтысьӧм тӧвъяс. Стихын скӧрлун быд сьӧлӧмлысь требуйтӧ висьтавны кад... Асъя свежестьлӧн му вылын, шуӧны кыдзи Кореяӧс, Ассьыс сьӧд делӧ вӧчӧ нин ад горша, пеж оккупант. Океансайса хищниклӧн синъясыс ӧзйӧны биӧн. Тайӧ сійӧ, — йӧз вир вылын ыджыда пӧльтчӧм вампир, Гырдмӧм долларлӧн чукӧрӧн, атомнӧй бомбаӧн киас Выль война пытшкӧ вувзьыны лӧсьӧдчӧ миянлысь мир. Сувтӧй, мамъяс да чойяс, народъяслӧн кыпӧдчӧй пиян, Кодлӧн морӧсын пӧсь сьӧлӧм тіпкӧ да доймӧ душа, Заполярьеса йияссянь Кения берегӧдз тіян Медым юрӧбтас гӧлӧс, кыдз морелӧн гымалан вал! Сувтӧй мир вӧсна тышӧ став расаяс — еджыдъяс, сьӧдъяс. Война ӧзтысьлы кӧртвомӧн лоӧ миллионъяслӧн ки. Сувтӧй ставӧн планетаысь, кодъяслӧн сьӧлӧмлы дона Уна жертваяс донӧн нин шедӧдӧм шудлун да мир. Миян му вылын бара нин гажаа шувгӧны садъяс, Пӧрччис виж гимнастёркасӧ дыр кежлӧ вӧвлӧм салдат. Ӧтвечайт, Уолл-стрит, кодлы лӧсьӧдан бара снарядъяс? Йӧзлӧн паметьысь вуштыны кӧсъян святӧй Сталинград? Кодлы лӧсьӧдан чумнӧй бациллаяс, ассьыд линкоръяс? Гашкӧ, овны оз сет тэныд чепьясысь мездмӧм Китай? Тайӧ гибельлӧн часӧ, беснуйтчӧмӧн, пемыд гу дорын, Паськыд му пасьта разӧдан шойлысь зловоннӧй, лёк яд. Сӧмын чегны став йӧзлысь оз удайтчы ӧтувъя кияс, Ставлы дона свобода, страданье пыр шедӧдӧм мир. Уолл-стритлы не вувзьыны му шарсӧ атомнӧй биӧ, Быд наречие вылын кор юргӧ Священнӧй призывӧн моз — «Мир!» Миян алӧй звезда — прӧстӧй йӧзлы выль эралӧн шонді, Сталин нимын став йӧзлӧн надежда, уверенность, шуд. Война ӧзтысьлы паныдӧн, правда миллионъяслӧн, Нерушимӧй стенаӧн моз грознӧя кыпӧдчы, сувт!
Гижӧд
Мед олас мир!
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1