ВЫЛЬ ВОСЯ ПЕРВОЙ ТОСТ
Кор кучкас помся дас кык час Кремлёвскӧй башня вывсянь, Выль вокӧд ставным киасям Да кутчысьлам том сывйӧн. И кӧні сӧмын лоан, ёрт, — Забойын, стройка вылын, — Тэ миян медся шуда морт Став ыджыд му шар вылын. Во чӧжся уджлысь результат Тэ аддзан аслад синмӧн: Му пытшкысь шедӧдӧм руда, Выль ГЭС-лысь югыд бияс, Мартенысь стальлысь киссьысь шор И изшомӧн составъяс, Конвейер вылысь выль мотор, Выль карын югыд зданье... Да, ставсӧ лыддьыны он куж, Мый кольӧм воыс вайис! — Выль воӧн, ёрт! Выль воӧн, друг! Выль вося пызан сайын Вай лэпты ассьыд первой тост, Бокалъяс кисьтав тырӧн, Ӧд коммунизмлӧн торжество Не сэтшӧм ӧні ылын, Кор тэкӧд ӧтлаын Китай Миллиардджынъя народӧн, И йӧзлысь славитӧ Дунай Лӧз гыясӧн свобода. — Выль воӧн, ёрт! Выль слава удж Мед Рӧдиналы ваяс, Мед вдохновеннӧй быдтас труд Выль, озыр урожайяс, Мед челядь шыӧн тэнад дом Пыр помся кутас содны, Мед пыр тэ юноша кодь том, Мудз абу тӧдса кодлы; Став мирын мир вӧсна ён тыш Мед быд сьӧлӧмын ӧзйӧ, Мед паныд сувтны тэд оз лысьт Ни ӧти война ӧзтысь... Великӧй Сталинкӧд народ Прекраснӧй цельлань мунӧ. Великӧй Кормчий вӧсна тост Ми лэптам Выль во лунӧ!
Гижӧд
Выль вося первой тост
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1