ШОНЫД ЦЕХӦ ПЫРТІСНЫ СТАНОК
Шоныд цехӧ пыртісны станок. Куйліс сійӧ дыр нин складын ковтӧм. Сылысь уна шпиндельяс да болтъяс Важӧн вевттис сімлӧн курыд шог. Тайӧ вӧлі пӧрысь ветеран, Арлыд серти мекӧд тшӧтшъя дзик нин. Кутшӧм зыкӧн сёрнитісны тан Выльӧн вайӧм вына, гырысь ДИП-яс! Шуисны: станокысь босьтны тӧлк... Шуисны, и талы уджыс сюрӧ. Ранитчӧм да ловшытӧм нин кӧрт Корӧ сӧмын ас дінас хирургӧс. Уна лун да помся уна вой Ковмис тайӧ цехын йӧзлы овны Сы могысь, мед ранитчӧм кӧрт шой Мортлӧн тӧлка кияс улын ловзис. Пыраланныд тайӧ цехӧ кор, Зымвидзӧны кӧні вына ДИП-яс, Кажитчӧ, и ичӧтик станок Мортлӧн ыджыд сьӧлӧмыс моз типкӧ. Ыджыд цехлӧн помасьлытӧм шум Смена помӧдз тані оз нин сувтлы. Гашкӧ, тайӧ медся ыджыд шуд — Ловзьӧдӧм станок сайӧ мен сувтны?
Гижӧд
Шоныд цехӧ пыртісны станок
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1