ПАРМА ВОМӦН ТӦВЗЬӦ ПОЕЗД
Парма вомӧн тӧвзьӧ поезд, Ылӧ койӧ тшын. Видзӧда да, быттьӧ чойӧй, Стрелка дорын ныв. Кӧсъя горӧдны ме: — Нылук, Варовитны лок! Шуигкості колис ылӧ Кыпӧдӧм флажок. Паныд миян встречнӧй локтӧ Тендер вылын зон. Кӧсйи тӧдны: — Гашкӧ, вокӧй... Тӧвзис пыр вагон! Ылӧ резіс мелі югӧр Семафорлӧн би, Быттьӧ кӧрттуйвывса другӧй Нюжӧдіс мен ки. Поезд лэбӧ, лэбӧ, лэбӧ, Водзын лым да вӧр. Вына кӧрт вӧвлӧн став эбӧс Ас пытшкас оз тӧр. Ылыс карлы ыджыд рейсӧн Менам чужан му Ыстӧ угольнӧй экспрессын Воркуталысь груз.
Гижӧд
Парма вомӧн тӧвзьӧ поезд
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1