КОЛХОЗНӦЙ УРОЖАЙ
На-славу урожай колхознӧй вайис му. А видзӧдлӧй ті, кӧні сылӧн помыс! Старука-чарла, эновт бусӧсь кум, Комбайнкӧд орччӧн вундыны кад воис; Ӧд ставлы талун вашкӧдіс рам тӧв, Кыдз ӧвтӧ сьӧкыд юрнас мича рудзӧг, А уска идлысь джуджыд зарни шӧвк Ас морӧс дорӧ сывйыштны он судз тэ. Колхозник нюмъялӧ: — Вай, енэж, шоныд зэр! И вугыртны оз думайтсьы нин сылы. Ме кыла, кыдзи муяс вылын зӧр Йӧз шудӧн быттьӧ талун кышакылӧ.
* * *
Арся лун тан заводитчӧ бойӧн. Он ӧмӧй тэ Асывъясын кыв, Кыдзи пулемётлӧн вына горӧн Пырӧ сиктӧ молотилка шы? Гумла вылын талун том и пӧрысь, — Чукӧртчис семьяӧн став колхоз. Вартӧм идлысь Мортысь джуджыд вӧрӧк Тӧрӧдны став складъясӧ оз позь. Озыр урожайлӧн тані финиш: Трудитчин кӧ — Примит, получайт! Шулӧны кыдз, Вӧліны мед пиньяс, Тырмымӧн и лоӧ миян нянь.
Гижӧд
Колхознӧй урожай
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1