ОКТЯБРЬСКӦЙ СТИХЪЯС
Асылыс песня пӧдаркиӧн вайис, Долыд мелодия бара ме кылі: Шонділы гимн югыд Сыктыв ю сайын Лэбач-горнистыс побудка моз сьыліс. Мый сійӧ сьыліс? Ӧд кылӧдчысь зонъяс Водзджык нин сатшкисны пуясӧ багыр. Суин-ӧ тэ, петны сёрмӧдчӧм шонді, Медводдза пуяслысь пӧрӧмсӧ ягын? Тэрмасьӧ, котӧртӧ быдлаӧ томлун: Керавны вӧр, муысь перйыны изшом. Долыд кор уджавны, долыд кор овны, Кӧрт вына киясын куснясьӧ-изсьӧ. Рӧдина ним кузя тайӧ збой уджын Мускулъяс войтырлӧн некор оз слабмыв Сійӧн, мый ставнымӧс миянӧс чужтіс Ыджыд дела вылӧ Ыджыд Октябрь лун. Некодысь талун ме ачым ог кольччы: Кучкав тэ мӧлӧтӧн тэрыба, киӧй! Тэн, Ыджыд праздниклы, сиктса том дорччысь Ассьыс став пӧсьлунсӧ сьӧлӧмсьыс сиӧ.
Гижӧд
Октябрьскӧй стихъяс
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1