ПРӦЩАЙТЧИГӦН
Васюк кутіс Машӧӧс Ӧшинь улас. Шуис надзӧник: — Ме ӧд муна... Муна талун ме Тэ дінысь, сиктысь, Кытчӧ сьӧлӧмӧй Корӧ да кыскӧ. — Кӧсъя эновтны Тэнӧ ме, нылӧй, Со, тэ ёртъяслысь Сьылӧмсӧ кылан? Муна ылӧ, Кӧн бузгӧ скӧр море, Кытчӧ рӧдина Миянӧс корӧ, Ылі лунвывлань Лэбисны юсьяс. Паськыд эрд вылын Кытшлаліс трактор. Машӧ видзӧдіс, Видзӧдіс кузя, Васьлӧн другъяс Кыдз мунісны трактӧд. — Мый жӧ сиан Тэ мем, сьӧлӧмшӧрӧй? — Васюк топӧдіс Машуклысь кисӧ. — Мый ме сиа тэд? — Дрӧгмуні гӧлӧс... Быттьӧ ӧзтыштіс Сьӧлӧмсӧ биӧн. — Мый ме сиа тэд? — Тӧдан ӧд ачыд... — Сиа ветлыны ыліӧ бура. Со ме, аддзан, Кыдз кужышті ачым Чышъянторсӧ тэд, Доналы, вури. Ылі лунвывлань Лэбисны юсьяс. Паськыд эрд вылын Кытшлаліс трактор. Машӧ видзӧдіс, Видзӧдіс кузя, Васюк ёртъяскӧд Муніс кыдз трактӧд.
Гижӧд
Прӧщайтчигӧн
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1