ТӦВ

Пуяслӧн коръясыс важӧн нин лэбзисны,
Кытчӧкӧ войтӧлӧн шывгисны ылӧ.
Шондіӧс кымӧръяс дыр кежлӧ тупкисны.
Ывлаын кӧдзыдлӧн швачкӧмыс кылӧ.
Керкаяс войясын швачкӧны мый вынысь.
Гожӧмлысь дукъяссӧ вӧтлӧны скӧрысь.
Челядьяс дадьясӧн иславны ветлӧны;
Кыскасьысь вӧлаяс петӧны вӧрысь.
Пӧрысьяс керкаын китшкӧны-котшкӧны,
Вӧчӧны рӧзвальяс, кыӧны тывъяс.
Югыдджык войясын сьӧлӧмсянь сьылӧны,
Чукӧрӧн ворсӧны зонъяс да нывъяс.
Гӧгӧр кӧ видзӧдлан войясын енэжӧ,
Ворсӧны кодзувъяс, швачвидзӧ тӧлысь.
Лымйыс нин му вылӧ джуджыда усьӧма — 
Воӧма миянӧ кӧдзыд кузь тӧлыс.