АНЬЯСЛЫ
(Октябрса революциялы дас во тырӧм кузя)
— Аньяс, тіян важся олӧм Некодыр оз вунлы: Тэныд некор оз позь вӧлі Гортсьыд петны, мунны. Сьӧкыд удж тэ сӧмын тӧдлін, Ёна мудзліс сойыд; Омӧля тэ, коньӧр, водлін, — Шоча воліс войыд. Пыр на верӧс водзын полӧм Тэнад зэв на уна. Кор нӧ тэнад, коми аньӧй, Полӧмъясыд вунӧ? Шыбитлы нин важся шогтӧ, Шенышт лёка олӧм! Выльысь олӧм тэныд локтӧ, Вунӧ тэнад полӧм. Садьмы, пыркнит узян унтӧ, Бура дыр нин узин; Октябр биӧн ки-кок шонты, Кын сьӧлӧмтӧ пузьӧд. Дасӧд Октябр тэныд тайӧ Вайӧ кокньӧд уна: Долыд дум мед юрад кайӧ, Курыд шог мед вунӧ. Коми аньлӧн важся олӧм Некодыр оз вунлы. Кад нин тэныд дасӧд вонад Выль туй кузя мунны. Эн тэ жуйвидз, коми аньӧй, Эн мун йӧзысь торйӧн; Муса чойӧй, муса мамӧй, Сувт жӧ, асьтӧ дорйы!
Гижысь: 
Гижӧд
Аньяслы
Жанр: 

lkejrlkelkrgner klrjnelknfrkl ekjnrjkenfrej

1