ӦТУВТЧӦМЫН — ВЫН

Лэптыны кӧ керка ковмас,
Кыклы сьӧкыд сэні лоас:
Чукӧрт помеч, кызьӧс кор — 
Он и тӧдлы каяс кор.
Судзӧдны машина ковмас, — 
Ӧтнадыдлы дона лоас;
Чукӧртчӧй морт комын вит — 
Машинаыд лоас вит.
Нюртӧ косьтыны кӧ ковмас,
Нёль-вит мортыд пӧгиб воас;
Вӧлӧсьт кодьӧн лоӧ бур — 
Он и тӧдлы косьмас нюр.
Мельнича кӧ вӧчны ковмас,
Обществоӧн бурджык лоас:
Уджын ӧтка мортыд — джын,
Ӧтувтчӧмын — ыджыд вын.