* * *
Абу матын на тӧвлӧн помыс, мунны чарӧмӧд он на лыб, но ӧд кыскӧ нин агрономӧс тувсов тӧвъясӧн ӧвтысь ыб. Сійӧ быдӧнысь медводз кылас, кыдзи визувтны кутас лым да лӧнь сикт саяс, ёна ылын, ӧдва мурӧстас первой гым. Вежа ва моз кӧ зэрыс усьӧ кушмӧм ыбъясӧ сэсся кор, — босьтас ки вылас китыр мусин, кыдзи мамыслысь сьӧлӧм тор. Гӧрны-кӧдзны нин, шуас, позьӧ, муса вердысьӧй, быдты-сет, сиктса войтырлы озыр козин, — ӧти шеп пыдди куим шеп! Гашкӧ, озджык на тырмы скӧрлун сылань вувзьыны лӧглун би, коді вунӧдіс, кыдзи гӧрны, полӧ лякӧсьтны ассьыс ки. Сиктад татшӧмлы нинӧм вӧчны, уджтӧг оз ло тыр няня куд. Мед веж петасӧн ыб выв вӧччас да быд керкаӧ пырас шуд! Регыд, регыд нин воас тулыс, ыджыд тӧждлунлы абу пом! Аслас сьӧлӧмлысь моз жӧ мулысь кылас пӧсьлунсӧ агроном.
Гижӧд
Абу майын на тӧвлӧн помыс...
Жанр: 

lkejrlkelkrgner klrjnelknfrkl ekjnrjkenfrej

1