РЫТЫНКоми зонъяс, Коми нывъяс Гажӧдчӧны ёна зэв — Коми сиктын Ньӧтчыд рытын Ывлавыв оз овлы чӧв. } 2 пӧв. Уна том йӧз, Нывъяс, зонъяс Качай дінӧ чукӧртчӧ. Гырысь, посни Сэн пыр ворсӧ, Ӧтилаын бергӧдчӧ. } 2 пӧв. Рытын войтыр, Том йӧз котыр Гудӧкӧн пыр ветлӧны. Уна вожсянь, Быд пельӧссянь Качай дорӧ локтӧны. } 2 пӧв. Качай дорын Рытын сёрӧдз Йӧктасны да ворсасны. Коми нывъяс, Рочаканьяс Сьыланкывъяс сьыласны. } 2 пӧв. Вой шӧр бӧрын, Асъя дорын Вӧлись гортӧ мунасны. Коді — чомйӧ, Коді — вонйӧ, Узьны ставӧн пырасны. } 2 пӧв. Коми зонъяс, Коми нывъяс Гожӧм дыр тадз олӧны. Тадзи ставсӧ, Томдыр кадсӧ Гажаа зэв колльӧны. } 2 пӧв. Томдырйиыд Ворсӧ вирыд. Ёна сьывлам, ворсламӧй. Сэтшӧм кадыд Ӧтчыд волӧ... Сё майбырӧй, олӧмӧй! } 2 пӧв.
