КЫМӦРЪЯС

	Кымӧръяс, кымӧръяс,
	Горттӧ он аддзылӧй.
	Пемыд вӧр вывті
	Котӧртад, котӧртад,
	Некор он сувтлывлӧй.
	Мунад ті лунвывті,
	Мунад ті войвывті...
	Коді и новлӧдлӧ
	Тіянӧс дугдывтӧг?
	Гуся ли пурсьӧм?
	Тӧдса ли лёклун?
	Мыйла ті мунад,
	Асьныд он тӧдӧй.
	Кытчӧ ті мунад,
	Нинӧм он аддзӧй.
	Тыдалӧ, дыш лои
	Ӧтлаын овнытӧ.
	Сьӧкыд тіян олӧмныд,
	Сьӧкыд ий вылӧмныд:
	Ӧткодь век кӧдзыдӧсь,
	Он дугдӧ мунӧмысь.
	Абу тай тіянлы «йӧзладор»,
	Абу ий «гортладор».