КОДЙӦМА КӦРТ ЗЫРЙӦН...
Кодйӧма кӧрт зырйӧн гу муын джуджыда. Олӧмсӧ ассьыс кодкӧ тай вуджӧма. Гажтӧма олӧмсӧ, вежӧртӧм кужтӧмсӧ, Пемыдын олӧмсӧ, арся вой шуштӧмсӧ... Медбӧрти коньӧрлы воис жӧ пом... Кусі тай олӧм, кыдз чусалан шом. Мый сэсся? Онмовсь, морт, сы вылӧ чужлін тэ. Топыда пӧдлалас пожӧм вевт чужӧмтӧ... Сьӧкыда уль муӧн личкысяс горт тэнад. Сӧмын йӧз чиныштас... Дзик ӧти мортӧн ӧд... Бырӧмыс оз вӧлі некодлы ков, Казьтылӧм йӧз костын оз жӧ дыр ов. Со ӧд и кылӧ нин — гу дорын сьылӧ сэн Лэбач зэв гажаа. Гашкӧ, нӧ казьтылӧ?.. Енэжыс югъялӧ. Лэбач сэн суналӧ, — Ошкӧ на олӧмсӧ водзӧ пыр уналы... Лӧньыштлам! Олӧмысь сёрнилы пом, Сьылӧмысь-бӧрдӧмысь тупкамӧ вом!
Вуджӧдысь: 
Гижӧд
Кодйӧма кӧрт зырйӧн...
Жанр: 
Йӧзӧдан во: 
Оригинал гижысь: 
Иван Никитин

lkejrlkelkrgner klrjnelknfrkl ekjnrjkenfrej

1