ШАХТЁРЪЯС
Сё ногӧн тані омлялӧ скӧр ывла, Кыз кымӧр нюлӧ паськыд тундра эрд. Лым быттьӧ гудыр стенӧн кайӧ вывлань, Но татчӧс йӧзӧс нинӧмтор оз йӧрт. Тан коркӧ вӧлі сӧмын барак чукӧр, А уличаяс пыдди — гезсянь гез — Да бияслӧн зэв кизьӧриник югӧр... Быд сьӧкыдлуныс гартчис быттьӧ вез. Оз эскыссьы, кор тайӧ карӧд ветлан, Мый вӧлі тані коркӧ сэтшӧм кад. Тэ турӧбыслы паныд ӧні петан И вензьыштны на сыкӧд весиг рад. Гӧрд биа вӧньӧн телецентрлӧн киыс Ёсь тӧвлысь вундӧ вына сюрса лы. И татчӧс йӧзлысь нуӧ сьыланкывъяс Лёк турӧб пырыс радиолӧн гы. Скӧр тӧвлы паныд радейта ме мунны Да пӧсь бассейнын кольны шойччан лун. Шахтёрӧс меным олӧмас не суны, Но Вӧркутаыс вежӧрысь оз вун. И ӧні медся вылын югыд лозунг: «Шахтёрскӧй уджлы слава!» — ӧзйӧ сэн. Бур розъяс пиысь медся дона розйӧн Шахтёрскӧй удж пыр петкӧдчыліс мен.
Гижӧд
Шахтёръяс
Жанр: 

lkejrlkelkrgner klrjnelknfrkl ekjnrjkenfrej

1