УДЖЙӦЗ

Менсьым юалӧ ёрт,
Мыйла сикт йылысь гижа.
Шуа: «Сэн чужан горт,
И ме сы водзын мыжа».
Дзикӧдз вунӧдчис кок
Паськыд видз вылӧ волӧм,
Менам ыджыдджык вок
Важӧн метӧг сэн олӧ.
Сӧмын волывла тшук
Паськыд юдорса сиктӧдз.
Сэні агас и плуг
Метӧг сімисны дзикӧдз.
Турун ытшкӧмлысь гор
Менам челядь оз тӧдны.
Уна коланатор
Сиктлы вунӧдчи сетны.
Менам сьӧлӧмын эм
Сиктын ловзьылӧм вужъяс...
Корся кужанлун нэм
Ассьым мынтыны уджйӧз.