НЫВЪЯС
Гажа тулыс дзоридз дукӧн тырӧ, Выльысь-выль ног пасьтасьӧ быд лун, Нывъясыдлы сьӧлӧманыс пырӧ, Весиг вӧтлӧ войся чӧскыд ун. Югыд гожӧм шоныд лолӧн шонтӧ, Окалӧ быд нывлысь ки и кок; Мелілуныс пыдӧстӧм и помтӧм, Колӧм серти могмӧдӧ быд мог. Лышкыд ар оз жалит озыр козин, Удждон вӧсна донъясьны оз кут. Копыртчывлӧ муӧдз нывъяс водзын, Вӧзйӧ жӧникпу да ыджыд шуд. Тӧлыс оз и мудзлы, туйяс вӧчӧ. Зіля посйӧ юяс бӧрся ю, Енэж пасьта кодзувъяссӧ кӧдзӧ, Еджыд волльӧн вевттьӧ паськыд му. Нывъяс, нывъяс, мича мелі синъяс! Тітӧг эськӧ олӧмыс эз вӧв! Радейтӧны тіянӧс став выннас Тулыс, гожӧм, ар и кӧдзыд тӧв.
Гижӧд
Нывъяс
Жанр: 

lkejrlkelkrgner klrjnelknfrkl ekjnrjkenfrej

1