МУСАӦЙ

Кор тэ локтан татчӧ,
Менам муса аньӧй?
Кор ме тэнӧ аддза,
Меліӧс да шаньӧс?
Збыль мӧй ставыс вуні,
Тэныд эг ло муса?
Збыль мӧй шуда луныс
Менам дзикӧдз кусас?
Эскыны ог кӧсйы,
Тадз оз вермы лоны:
Кузя ру оз ӧшйы
Гожся тӧла лунӧ.
Тэнсьыд воӧм вичча
Сьӧлӧмӧн и лолӧн.
Тэкӧд — быдтор мича,
Тэтӧг — абу олӧм.
Муса аньӧй менам,
Олӧм менсьым дзоньтышт.
Ӧтув быдтор венам —
Сӧмын лок да шонтышт.