ВОЙВЫВЛАНЬӦ

Войвывланьӧ лэбачьяслы лэбны
Туйсӧ восьтіс югыд енэж шӧр.
Тувсов рӧмсӧ ассьыныс оз дзебны
Помтӧм тундра, паськыд бордъя вӧр.
Мусаджыкӧн кажитчӧны войтыр,
Сьӧлӧм вылын чужӧ сьыланкыв.
Войтыштӧ сэк зарни рӧма войтӧн
Зонлы синмас радейтана ныв.
Выль пӧв быттьӧ тулыс шӧрас чужан,
Выль ног аддзан олӧмыслысь лад.
Муса мортӧс паныдавны кужан,
Радейтны кӧ тэныд воис кад.