ТУЙДОР ИЗ
Туй вӧлі важ. Ми сійӧ туйӧд ветлім. Но орччӧн туйкӧд куйліс сьӧкыд из. Кӧть кымынысь эг прӧйдитлӧй сы бердті, пыр вӧчліс сійӧ мортлы рана визь. То коктӧ либӧ китӧ сійӧ дойдас... И чайтлім, сыысь он нин некор мын. Кӧть дӧзмӧдіс нин сійӧ уна мортӧс, но вештыштны эз тырмы миян вын. Пыр видчам ми и доймалам пыр важ моз, кыдз позьӧ сӧмын, изсӧ ёрам пыр. А сійӧ куйлӧ: паськыд, нитшка, лажмӧс... И куйліс эськӧ нӧшта зэв на дыр. Но ӧтчыд кодкӧ локтіс сэтчӧ зырйӧн, сы бӧрся мӧд... И лӧсьӧдісны гу. Из путкыльтчис гу шӧрӧ — быттьӧ жырйӧ. А вылас нӧшта шыблалісны му. Туй лоис бур. И ветлӧдлам ми повтӧг: ни кок, ни ки оз ранитчыны сэн. Ми тӧдам, дерт — лёк морткӧд тадз жӧ овлӧ: кӧть кутшӧм ён, но артельӧс оз вен.
Гижӧд
Туйдор из
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1