* * *
Пуксям, юыштам — талун ӧд праздник, Ӧшкамӧшкасӧ юкталам тшӧтш. Гажлысь гӧрӧдъяс велӧдчам разьны. Быдӧн гажӧдчӧ — нинӧм он вӧч! Пуксям, юыштам — чужан лун пасъям, Визув олӧмлысь мурталам ва. Кынӧм — пӧт. Эм на выланым паськӧм. Ютӧм олӧмыд абу жӧ ма. Пуксям, юыштам — гӧтырӧй висьӧ, Пасьӧс, кепысьӧс сёйӧма воз. Коді ме дор, мед кыпӧдас кисӧ — Сыкӧд шӧрипӧв бырӧдам доз. Пуксям, юыштам — нажӧтка пасъям. Бригадирлы бур шуд да кузь нэм! Веськодь кыаыс — рытъя кӧть асъя, Сӧмын медтыкӧ винатор эм. Сулышт, друганӧй, тыртчыштам, тыртчам. Гартчас ми вӧсна муыс — эн пов! Пыр кӧ пӧсявмӧн удж вылын мырсян — Оз мӧй коркӧ и шойччыштны ков? Тырыс праздник, и чужан лун уна... Сэсся кодзувъяс усьӧны пыр... Нӧшта тӧдсаыд локтӧ да мунӧ... Майбыр, помкаыд ӧшинь ув тыр. Юам, юыштам — гортын кӧть йӧзын. Тыртчам, тыртчыштам — ӧтдор кӧть ас. Асьным быттьӧкӧ сьӧлӧмсянь кӧсъям Тадзик олӧмас пуктыны пас. Он и тӧдлы, кор визулыд визув, Гартас, песлалас — морт абу морт. Кыла: «Колӧ кӧ тэныд, тэ видзав. Сӧмын йӧзыслысь гажсӧ эн торк! Он мӧй тӧд — талун, збыльысь ӧд, праздник Да и гӧтырлӧн чужан лун тшӧтш...» Мортлы видзӧдлі синмас да аддзи: Лоас юыштны — нинӧм он вӧч.
Гижӧд
Пуксям, юыштам — талун ӧд праздник...
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1