* * *

Менам мӧвплӧн сартассялӧм росъяс
чышкалӧны вежӧр ӧшинь ув.
Кӧсйӧмъяслӧн ордымъясыс восьса,
радейтӧмлӧн сьӧлӧмыс эз кув.

Шонді менӧ ывла вылӧ корӧ,
тӧлысь торкӧ менсьым рытъя ун.
Паськыд вӧр-ва дінас менӧ дорӧ,
ветлан туйӧй содӧ лунысь-лун.

Путкыляла висьӧмъяслысь изъяс,
нетшка вужнас гажтӧмлунлысь пинь.
Чукӧртала серпасъяслы визьяс,
сьыланкывлы корся югыд кинь.

Кӧсъя ассьым радлун юкны йӧзкӧд,
кӧсъя, мыйта верма, вӧчны бур.
Дась ме овны енэж сайса лӧзкӧд —
мичлуныс кӧ мӧдлаысь оз сюр.