КАЗЬТЫЛӦМ

Ми ветлӧдлім — ньӧжйӧник восьлалім тэкӧд.
Водз асылын ю дорысь шойччанін аддзим.
Кыдз торйӧдны юсӧ да берегсӧ сьӧкыд,
сідз тэкӧд ми мучитчим — торйӧдчим надзӧн.

Ю визулыс миянлы лолавны сетіс,
ми дзоридза видз вылын дзоридзӧн ворсім.
Мед сьӧлӧмӧ колис, мый сьӧлӧмӧ шедіс —
пӧсь муслун ми ӧтвылысь быдлаысь корсим.

Кӧть войтыштіс асылыс, визувтіс рытыс,
кӧть юыслӧн весигтӧ пасьтаыс мӧд нин,
кӧть ёна нин содӧма войтырлӧн лыдыс,
но радейтысь сьӧлӧмъяс тайӧс оз тӧдны.

Пыр важкодьӧсь мичлун и мелілун быттьӧ,
пыр дзоридзӧн ышнясьӧ быд лунъя олӧм;
и муслунным миян, мен кажитчӧ, быдмӧ,
а пӧрысьлун миянысь, тыдалӧ, полӧ.