РЫТ

Рыт биа изйӧн кыа дорӧ кучкис,
и кодзувъясӧн тырис енэж шӧр.
Лун тӧлыс ӧткӧн довъялӧмысь мудзис,
и весиг турун сі мында оз вӧр.

Рыт ышловзис, и ӧзйис эзысь тӧлысь,
ю шӧрӧдз уси югыд шӧрта тыв.
Лӧз руа паськӧм паськӧмаліс вӧрыс,
йӧз сьӧлӧмъясын чужтіс сьыланкыв.

Быд воськов бӧрын мусаджык бур рытыс,
Дзик некор сылӧн мичлуныс оз вун.
Пыр ёнджык содӧ шудаяслӧн лыдыс,
и аддзан найӧс, кытчӧ кӧть он мун.