* * *

Бур урожайлы сиӧм кось
Быд во ми ставӧн нуам пӧся.
И тӧдам: мӧд ногӧн оз позь —
Бур олӧм ас кежас оз лӧсяв.

Комбайн оз сулав лун ни вой,
Комбайнер быттьӧ домна пестысь,
Кӧть сійӧ би чузъяс оз кой,
Но бура шойччывны оз эштыв.

Кор няньыд пызан вылад эм,
Сэк мортлӧн сьӧлӧм вылас долыд,
Кӧть ӧтнас нянь оз джудждӧд нэм,
Куш няньӧн кӧть оз пӧт на лолыд.

Но лоас тӧдса няньлӧн дон —
Збыль ковмылас кӧ пыкны тшыглун.
Эн шыблась нянь торъясӧн, зон!
Нянь дорысь лов шы кылӧ сиктлӧн.