* * *

Водз асыв бияссӧ эз кусӧд
И кодзувъяссӧ эз на дзеб,
А гӧрдӧн мавталӧ нин мусӧ
Да йӧткӧ вывлань шонді нӧб.

Тшын сюръя чукӧр енэж пыкӧ,
Лӧнь сынӧд лолыштны оз лысьт.
Том гозъя восьлалӧны кыкӧн —
Оз быттьӧ гӧтыр ӧтнас письт.

Мӧс вердысь мӧсъясӧс нин вердіс,
Мӧс лысьтысь лысьтіс уна йӧв,
Водз садьмысь кага кӧнкӧ бӧрддзис,
А сиктса ывла оліс чӧв.

Кор ӧтик туйӧд кыкӧн мунан,
Сэк туйыд лоас медся бур.
И мортлӧн шудыс медся уна,
Кор выльтор корсьӧ сылӧн юр.