КЫРКӦТШ ЙЫЛЫН

Кыркӧтш йылын паськыд коз,
Паськыд коз.
Эжва вомӧн джуджыд пос,
Джуджыд пос.

Кыркӧтш йылын олӧ ныв,
Олӧ ныв.
Сылӧн варов мелі кыв,
Мелі кыв.

Быд рыт нывлӧн зарни ки,
Зарни ки
Ӧзтӧ сиктын уна би,
Уна би.

Сійӧн войыс, быттьӧ лун,
Быттьӧ лун.
Сійӧн менам вошӧ ун,
Вошӧ ун.

Сійӧн нылысь бырӧ гаж,
Бырӧ гаж.
Тайӧ висьӧмыс зэв важ,
Зэв нин важ.

Радейта ме джуджыд пос,
Джуджыд пос.
Муса меным паськыд коз,
Паськыд коз.