УДЖЛЫ СЛАВАМиян чужан му ыджыд, Миян вӧр-ваыс помтӧм. Кор кӧть кытчӧ он видзӧд — Ставыс сьӧлӧмтӧ шонтӧ. Вына кипомысь Олӧм кыпалӧ. Ыджыд славаным Ылӧдз нималӧ. Кӧть и сывлытӧм муыс — Сылысь озырлун босьтам. Кӧть и косьмывтӧм нюрыс — Паськыд туйяс ми восьтам. Вына кипомысь Олӧм кыпалӧ. Ыджыд славаным Ылӧдз нималӧ. Морт кӧ сьӧлӧмсянь шуас — Артмас сё судта керка. Морт кӧ домалас юяс — Быть турбиналы бергав. Вына кипомысь Олӧм кыпалӧ. Ыджыд славаным Ылӧдз нималӧ. Мӧвп и удж миян ӧттшӧтш Збоя вермӧны лэбны. Коді ми бӧрся вӧтчӧ, Сылӧн олӧм оз жебмы. Вына кипомысь Олӧм кыпалӧ. Ыджыд славаным Ылӧдз нималӧ. Миян чужан му ыджыд, Миян вӧр-ваыс помтӧм. Кор кӧть кытчӧ он видзӧд — Ставыс сьӧлӧмтӧ шонтӧ. Вына кипомысь Олӧм кыпалӧ. Ыджыд славаным Ылӧдз нималӧ.
