ПАСЬКЫД ТУЙПомассис велӧдчӧм, Эштіс экзамен. Серамӧн ворсігтыр Коді кыдз сяммӧ Гажӧдчӧ сьӧлӧмсянь, Сьылӧ да ворсӧ; Мичмӧдны олӧмсӧ Кужанлун корсьӧ. Чӧв усьлам, кывзыштам Гӧлӧсъяс налысь, — Паськыда кывтӧмсӧ Тувсовъя валысь... Лун тӧлӧн ӧвтыштлӧ Кыдзьяслысь росъяс; Дзебӧны лов шысӧ Кырдорса козъяс.Паськыд туй, веськыд туй ставлы воссьӧ, Мунан кад, гажа кад ӧдйӧ локтӧ. Миян дружнӧя уджавны босьтчӧм — Лоӧ шудлун да озырлун содтӧм. Регыд янсӧдчам, мунам; Ассьыд ёрттӧ эн вунӧд. Коркӧ лоас кӧ гажтӧм, Татчӧс велӧдчӧм казьтышт. Збойӧс некодлы некор не венны, Сійӧ сьӧкыдысь некӧн оз повзьы. Муыд гӧртӧг да кӧдзтӧг оз энды — Том зон кипомысь трактор кӧ ловзьӧ. Регыд янсӧдчам, мунам, Тӧдса йӧз лоас уна. Но бур другӧн эн шыблась, Олӧм дружбатӧг сибдас. Уна удж, уна буртор ми вӧчам, Медым шуд миян му вылын олас. Уна му гӧрам, агсалам, кӧдзам — Бурӧн казьтылӧм ми йылысь коляс. Ставӧн янсӧдчам, мунам Тувсов шондіа лунӧ. И быд том мортлӧн сьӧлӧм Ассьыс сьыланкыв сьылӧ.
