МИЯН ТУЙРеволюция ӧзйис да паськалі, Ставнас омӧльсӧ, лёклунсӧ сотіс. Му Россиялӧн выль ногӧн пасьтасис, Йӧзлӧн выныс пӧсь тышъясын содіс. Ни война, ни разруха, ни тшыгъялӧм Йӧзлысь вӧля ни эбӧс эз чегны. Югыд олӧм выль шыясӧн шыалӧ, Мича быдтасӧн лӧсьӧдчӧ петны. Ыджыд би пиысь, вир пиысь перйӧма, Сизим пӧсь пиын мыськӧма олӧм. Миян йӧз аслыс удж ачыс бӧрйӧма — Коммунизм аслас шуд вылӧ дорӧм. Кулі Ленин, но Ленинлӧн партия Мунӧ йӧзкӧд да нуӧдӧ йӧзӧс — Мунӧ сьӧкыдысь повзьытӧм гвардия, Мунӧ шудсӧ народъяслы чӧжысь. И кор косявліс миянлысь чужан му Пеж фашистскӧй орда звермӧм понйӧн, Коммунистъяслӧн тырмыліс кужанлун Йӧзкӧд лӧсьӧдны Рӧдина дорйӧм. И народ и компартия олісны Ӧти сьӧлӧма ӧтторъя олӧм, Ӧтув найӧ победаӧдз воисны. Тайӧ йитӧдыс нэм кежлӧ кольӧ. Ӧти сьӧлӧмӧн, мӧвпӧн и кӧсйӧмӧн Йӧз и партия мунӧны водзӧ: Медым вӧрӧгъяс туй вылысь вешйӧны! Мед звезда миян ярджыка сотчӧ! Миян содӧны другъяс — тӧварышъяс, Мисянь вынтӧмъяс аддзӧны отсӧг. Мед оз лэбавны рытыввыв кырнышъяс, Оз кӧ кӧсйыны чегъявны бордсӧ. Ми ог лӧсьӧдчӧй некодӧс повзьӧдны, Но бахвалъясӧс ӧлӧдны кӧсъям. Медым вир кисьтӧм некор не ловзьӧдны, — Мир да ордйысьӧм сьӧлӧмсянь вӧзъям.
