ШОНДІ ДА ТӦВ НЫР

Ме да шонді ӧттшӧтш чеччим,
Ӧттшӧтш ва дорӧ ми лэччим,
Ӧттшӧтш купайтчыштім сэн.
Вӧлі шоныд, гажа мен.

Ме эг кӧсйы гортӧ мунны,
Кӧсйи купайтчыны лунтыр.
Кыськӧ локтіс асыв тӧв,
Кытшов вӧчис уна пӧв.

Сэсся завидь сійӧс босьтіс,
Ыджыд кымӧр киас босьтіс,
Енэж шӧрӧ шыбитіс,
Лыа буссӧ кыпӧдіс.

Шонді повзис — сайӧдчис.
Тӧв ныр ваӧн сяльӧдчис.
Кӧдзыд, гажтӧм лоис сэн,
Ковмис гортӧ мунны мен.