ПОСНИ ЧЕЛЯДЬ

Мунігтыр сикӧтш моз
Ворсӧны биясӧн
Лӧсьыда нюмъялысь
Посньыдик йӧз.
Медым не вошласьны,
Слабиник киясӧн
Кутӧны сьӧлӧмсянь
Вӧсньыдик гез.

Найӧ на ичӧтӧсь,
Первойысь петісны;
Ставыс на дивӧ
Да аддзывтӧмтор;
Туй кузя нянякӧд
Кытчӧкӧ мӧдісны,
Гашкӧ нӧ сэтчӧ,
Кӧн муыслӧн дор.

Юрныд кӧ вунӧдас,
Сьӧлӧмад кольӧны
Ывлалӧн лов шыыс,
Енэжлӧн мич.
Сиа ме тіянлы
Быдлаӧ волыны,
Некор не пукавны
Весьшӧрӧ, сідз.