ДЗУРТӦМ«Дзур да дзур», — Кӧнкӧ дзуртӧ. «Дзур да дзур», — Мыйкӧ дзуртӧ. Мавттӧм качай али мый Мырдӧн корӧ мавтас-вый? Коді сэн — Качай вылын? Коді сэн — Абу ылын? Мед оз горзы, вый оз кор — Сирӧн мавтышт качай сёр. «Дзур да дзур», — Кӧнкӧ дзуртӧ. «Дзур да дзур», — Мыйкӧ дзуртӧ. Гашкӧ, керка ӧдзӧс дзир Корӧ мавтас зэв нин дыр? Коді сэн, Коді олӧ? Мыйла тэн Дзуртӧм колӧ? Вӧчышт дзуртӧмыслы кост — Мавтас пыдди пуктышт гос. «Дзур да дзур», — Кӧнкӧ дзуртӧ. «Дзур да дзур», — Кодкӧ дзуртӧ. Эз-ӧ Мишук джоджӧ усь — Мыйкӧ зэв нин дыр оз узь? Коді сэн, Коді кылӧ? Мишӧс эн Эновт ылӧ. Сетышт Мишукыслы йӧв — Медым сійӧ узяс чӧв.
