ӦТИК, КЫК, КУИМТӧв бӧрсяыс вӧтчам, Ва дорӧ ми лэччам — Уна чой да вок. Миян зумыд кок. «Ӧтик, кык, куим!» — Ставӧн гора шуим. «Нёль да вит, да квайт!» — Туйыс абу няйт. «Сизим да кӧкъямыс!» — Ваыс ёна ямис. «Ӧкмыс, сэсся дас...» Пуктам татчӧ пас. Нӧшта водзӧ мунам, Аддзам буртор уна: Льӧм пуяс да пелысьяс, Коз пуяс да пожӧмъяс. Ветлам — кытчӧдз ветлыссяс, Гожйӧдчыштам гожӧмнас. «Ӧтик, кык, куим!» — Унаысь на шулім.
